Gibabagan sa usa ka hukom sa U.S ang temporaryo nga pagpahunong sa mando ni US President Donald Trump nga ibalhin ang mga transgender women sa mga prisohan sa mga lalaki ug ihunong ang ilang gender-affirming care.
Sa nahimo nga desisyon ni U.S. District Judge Royce Lamberth, diin pabor kini sa tulo ka transgender inmates nga nipasaka og kaso batok sa maong polisiya, nga matud pa niini unconstitutional.
Sumala sa mga reklamante, ang transgender nga mga babaye anaa sa mas taas nga risgo nga makasinati og kapintasan ug sexual abuse kung dad-on sa mga prisohan sa mga lalaki, nga naglapas sa ilang katungod batok sa mapintas ug “unusual punishment”.
Ang mando ni Trump diin duha ka gender lamang ang kinahanglan nga ilhon sa ilang gobyerno subay sa biological sex ug ihunong na ang pagpondo sa gender-affirming medical care alang sa mga piniriso.
Sa pagka karon, adunay 2,230 ka transgender nga mga piniriso sa U.S., uban sa kadaghanon sa 1,506 ka transgender nga mga babaye nga gitanggong sa men’s prisons.
