Midaog sa ilahang ika-walo nga Grammy Awards ang legendary band nga The Beatles human ang 55 ka tuig.
Nasayran nga ang kanta nga “Now and Then” ang napili isip best rock performance sa Grammy.
Kini ang unang higayon nga giila ang Fab Four sa Recording Academy sukad pa kaniadtong 1997.
Nasayran usab nga giisip sa miyembro sa banda nga si Paul McCartney isip ulahing kanta sa grupo.
Gisulat ni John Lennon ang kanta ayha kini namatay niadtong 1980.
Ang original vocals nga girecord ni Lennon kaniadtong 1970 ang gipreserba gamit ang artificial intelligence.
Gidawat usab ni Sean Ono Lennon ang anak ni Lennon ug Yoko Ono ang nasampit nga award sa grupo.
Bugtong si McCartney ug Ringo Starr lamang ang nabuhi nga miyembro sa banda.
Nidaog ang The Beatles sa ilahang una ug ikaduha nga Grammy kaniadtong 1965 sa 7th Grammy Awards kung diin nakuha niini ang best new artist ug best performance by vocal group gikan sa ilahang sikat nga kantang “A Hard Day’s Night”.
Ayha ang ilahang panagbulag, midaog ang banda og duha pa nga ka mga Grammy Awards nga mao ang best contemporary album ug album of the year sa ilahang classic nga “Sgt. Pepper’s Lonely Hearts Club Band”.
Tuig 1997 midaog kini og tulo pa ka mga awards sa Grammys nga mao ang Best long form music video sa ilahang “The Beatles Anthology” ug duha pa sa “Free As A Bird” nga na-featured kaniadto.
