Nagpatuman na ang Department of Agriculture (DA) ug mga lakang arun malikayan ang posibilidad nga magkulang ug mumahal ang presyo sa itlog sa Pilipinas.
Kini human nga sa pagkalugi sa nasangpit nga industriya ning nakalabayng tuig, subay niini, gipaningkamotan sa buhatan nga malikayan ang krisis sa itlog, ilabi na sa nasinatian usab nga bird flu sa Estados Unidos.
Sumala pa ni Agriculture Secretary Francisco P. Tiu Laurel Jr., tumong sa mga lakang nga ilang gihimo ang matubag ang panginahanglanon sa itlog sa nasod.
Bisan pa man nga wala pay lapad nga outbreak sa bird flu sa Pilipinas, nagpahimangno gihapon si Tiu Laurel nga posible nga magkulang ang supply sa itlog pag-abot sa bulan sa Abril.
Aron malikayan kini, gipadali na sa DA ang importasyon sa mga inayang manok ug gihangyo usab ang pagpadali sa pag-apruba sa mga bakuna laban sa avian influenza.
Gilaoman usab sa ahensya nga makuha ang P300 milyon gikan sa National Livestock Program alang sa mga bakuna ug posible nga mass inoculation.
Sa kasamtangan, nakatutok na ang DA sa paspas nga solusyon aron masiguro ang suplay sa itlog ug maprotektahan ang publiko gikan sa pagsaka sa presyo niini.
