Gihunong na sa Amerika ang halos tanang foreign aid niini matod pa sa internal memo nga gipadala sa mga opisyal sa US embassies sa nagkadaiyang mga nasud.
Kini gumikan sa gipagawas nga executive order ni US President Donald Trump sa 90 ka adlaw nga pagpahunong sa foreign development assistance, samtang natanggong pa ang pagtuon sa pagka-episyente ug consistency niini sa foreign policy ni Trump.
Ang Estados Unidos mao ang labing dakong international aid donor sa tibuok kalibutan nga migasto og $68 billion niadtong 2023.
Hinungdan gilauman nga maapektuhan sa pagpahunong sa foreign aid gikan sa US ang tanan gikan sa development assistance hangtod sa military aid.
Apan, adunay exceptions niini lakip na ang emergency food aid ug military funding sa Israel ug Egypt.
Gimando usab sa nahisgutang executive order ni Trump ang halapad nga pag-imbestiga sa tanang foreign aid nga gikinahanglang makumpleto sulod sa 85 ka adlaw aron maseguro nga ang nahisgutang assistance ang nahisubay sa foreign policy ni Trump.
