Mokabat na sa 37,000 ka mga residente sa Los Angeles, Calabasas, Malibu ug Pacific Palisades lakip usab sa Topanga Canyon sa Los Angeles County ang gitahasan sa mga otoridad nga muhikling na gumikan sa padayong paglapad sa maong wildfire.
Gibutyag usab ni county fire chief Anthony C. Marrone nga mahinungdanon gayud nga seryosohon sa mga residente ang evacuation order.
Pagpaklaro pa niini, nga prayoridad nila karun ang kinabuhi inay mga kabutangan.
Giawhag usab niini ang mga residente nga magtipid sa paggamit og tubig gumikan na-uga na sumala pa ang mga sulod sa ilahang fire hydrants.
Anaa sa musobra 1,000 ka mga hektarya sa kayutaan ang nasunog ug musobra usab sa 1,000 ka mga gambalay ang nangaugdaw gumikan sa maong kalayo.
Hinuon, gisiguro usab ni US President Joe Biden ang tabang gikan sa iyahang panggamhanan ug gitahasan na niini ang mga bombero nga magtinabangay aron nga daling mapalong ang maong kalayo.
