Wala kinahanglana nga magpadala ug warship ang Pilipinas sa West Philippine Sea (WPS).
Kini ang gipahayag ni Pangulong Ferdinand Marcos Jr., homan sa pagpang-ipit na usab sa Chinese vessel sa mga barko sa Pilipinas sa Bajo de Masinloc sa WPS.
Dugang gipahayag ni PBBM, dili makig-giyera ang Pilipinas sa China hinungdan nga wala kinahanglana magpadala ug warship o barko sa Philippine Navy sa ginatawag nga disputed islands.
Gipahayag pa sa pangulo, sa kamatuoran ang Pilipinas ang kanunay nagpaubos sa tensyon sa West Philippine Sea.
Sa pagkakaron ang ginahimo sa Pilipinas mao ang pagpahigayon ug resupply ug rotation mission sa mga tropa nga nahimutang sa BRP Sierra Madre ug sa mga mangingisda.
Gibarugan ni Pangulong Marcos jr. nga dili mamahimong agent ang Pilipinas sa pagkuyanap sa tensyon sa West Philippine Sea.
Samtang sa kabahin usab sa AFP, wala na kinahanglana pa ang mag-deploy ug gray ships sa WPS gumikan kay adunay mga barko na ang mihimo ug routinary maritime patrols.
