Dali nga naaksyunan sa Talomo Police Station ang gikatahong ‘”snatch-me” scheme niadtong nakalabayng adlaw sa Matina Aplaya, ning syudad.
Subay sa taho gikan sa Davao City Police Office (DCPO) usa matud pa ka Alyas Ana, 35-anyos, ug Finance In-Charge sa usa ka delivery company ang midangop sa kapulisan aron nga i-report ang nahitabo, diin gibiktima sumala pa siya sa snatching, diin nasikpaw gikan sa iyaha ang P500,000.
Subay usab sa gilusad nga gipalawomang imbestigasyon sa mga otoridad, nasayran nga ang maong usa ka babaye nga una nang mi report, maoy nagpakaaron ingnun lamang nga biktima apan kasabwat matud pa kini sa maong ilahang ginaplanong modus.
Aminado ang maong babaye nga giplano matud pa nila ang maong pagpangilad uban sa iyahang partner nga tomboy nag giilang si Alyas Lisa, lakip sab ang manghud niini.
Sa karon, anaa na sa kostudiya sa kapulisan ang mga suspetsado alang sa pagpasaka sa mga kaso.
Samtang ang kwarta, gipailawom na sa tukmang disposisyon.
