Gikumpirma ni DILG Secretary Jonvic Remulla nga nababagan sa Amerika si kanhing PCSO General Manager Royina Garma ug ang mga anak niini.
Sigon ni Remulla nga gipadeport na matud pa sa mga otoridad sa Estados Unidos si Garma, pabalik sa nasud ug karung adlawa kining gikatakdang muabot.
Dugan pa niini nga ang hinungdan matud pa sa pagkaharang ni Garma mao ang cancelled na matud pa nga US Visa.
Lakip sab sa gikumpirma sa Philippine National Police (PNP) nga naaresto na matud pa si kanhing PCol. Royina Garma ug ang anak niini nga si Angelica Garma Vilela sa San Francisco, California sa Estados Unidos niadtong petsa 7.
Sumala pa ni PNP PIO Chief & Spokesperson PBGen. Jean Fajardo, nga walay hold departure order nga giisyu sa korte ngadto kang Garma ug na-release na kini sa kustodiya usab sa congress, hingundan nga nakagawas matud pa kini sa nasud.
Samtang, sumala usab kang Secretary of Justice Jesus Crispin “Boying” Remulla, nga iyaha na matud pang gimanduan si Commissioner Joel Viado nga pangulohan ang pagpauli kang Garma gikan sa Amerika padulong sa Pilipinas.
Galaum sab ang DOJ, nga makig-koopera matud pa si Garma, nunot pa man sa pagpatangtang sa Congress sa contempt order niini.
Kahinumdumang, usa si Garma sa mga mitestigo sa gikaingong extrajudicial killings ug reward system, labot sa kampanya batok iligal nga droga niadtong panahon sa administrasyong Duterte.
