Miabot na sa 158 ka mga lugar sa tibuok nasud ang nadeklara nga state of calamity tungod sa bagyong Kristine.
Sumala sa National Disaster Risk Reduction and Management Council (NDRRMC) nga ang labing daghan nga lugar ang Bicol region nga adunay 78 ka mga lugar nga gisundan sa Calabarzon nga adunay 63 ug Eastern Visayas nga adunay 13.
Ang mga probinsiya sa Albay, Camarines Sur, Camarines Norte ug Catanduanes ingon man ang Bulan sa Sorsogon mao ang mga lugar nga ilahaing nagdeklara ug state of calamity.
Gibutyag sab ni NDRRMC spokesman Edgar Posadas nga nagpahigayon pa gihapon sila sa gihimong validation sa tinuod nga ihap sa mga namatay nga unang natala nga anaa sa 110 karong panahuna.
Sa ulahing report, adunay 60 ka mga nakabsan sa kinabuhi sa probinsya sa Batanggas nga gumikan sa pagdahili sa yuta.
Samtang ang ika-duha nga lugar ang 41 nga natala sa Bicol Region nga sagad sa mga nakabsan sa kinabuhi mao ang pagkalumos.
Sa pagkakaron, padayon pa ang gihimong berepikasyon sa mga nakabsan sa kinabuhi sa NDRRMC.
