Hingpit nga gihimakak ni Senador Ronald Bato Dela Rosa ang tanang akusasyon ug alegasyon mahitungod sa Davao Death Squad (DDS).
Atol sa gipahigayong pressbriefing kagahapon sa udto sa usa ka Mall sa Davao City, gikanayon niini nga usa ka himo-himo lamang gikan sa mga media ang maong DDS gumikan wala matud kini personal knowledge mahitungod sa maong organisayon diin buot ginalimbigit ngadto sa mga Duterte ug sa mga kaalyado niini.
Saysay pa ni Bato nga siya gayud mismo ang mupasaka og kaso ugaling aduna siyay makaatubang nga magpailang DDS member kini kaniadto.
Ang Davao Death Squad kon DDS maoy usa sumala pa ka pundok nga gimugna matuda pa ni kanhi Pangulong Rodrigo Duterte nga mupatay ngadto sa mga dili muuyon sa pamalakad sa mga Duterte, hilabi na og malambigit sa mga iligal nga droga.
Dako sab matud pa ang pagtuo ni Dela Rosa nga usa sumala pa kini ka dakong demolition job sa kasamtangang gobyerno aron palubogun ang mga Duterte sa mga isyu nga ginalabay batok ngadto kanila.
Gikanayon sab sa maong Senador nga tuyo ug tumong sumala pa sa kasamtangang gobyerno karun mao ang pagpabilin sa ilahang gahom ug posisyon sa gobyerno hangtod sa kahangturan, ug dili na tagaan pa og luna nga mahimong Presidente si VP Sara Duterte sa umalabot nga 2028 Election.
Dugang sab ni Bato nga wala matud pa kini nakahinumdum nga aduna siyay gihatagan ug reward nga pulis gumikan sa mga accomplishments niini ilabi na ngadto sa mg kapulisan nga makapatay ug mga drugs suspects.
Sumala pa nga dili kini bilib sa gikaingong reward system nga maoy mga akusasyon nga gibatok ngadto kanila, gumikan trabaho matud pa sa mga pulis nga mabutang sa usa ka area of responsibility aron nga mapakgang ang mga kriminalidad hilabi na sa hisgutanang iligal nga droga.
