Mipakita sumala pa ug walay pagrespeto si VP Sara Duterte-Carpio sa mipanaw nga si kanhing Pang. Ferdinand Marcos Sr.
Kini ang pagtuo ni House Assistant Majority Leader ug Taguig 2nd District Rep. Pammy Zamora human sa gibuhi-an nga mga pamahayag sa bise Presidente.
Sumala pa sa kongresista nga ang gihimo sa bise Presidente ang usa lamang ka pamaagi nga ilihis ang publiko gikan sa mga alegasyon mahitungod sa sayop nga paggamit sa minilyon nga kantidad ug intelligence funds (CIF) ug ang pondo sa budget sa Department of Education.
Kahinumduman nga atol sa gipahigayon nga press conference kagahapong adlawa, giangkon ni VP sara nga gisultihan sumala pa niini si Sen. Imee Marcos nga iyahang ipakalot ang lubong sa amahan niini ug ipalabay sa West Philippine Sea kung dili niini undangon ang pagduot ngadto aniya.
Nasayran nga si Sen. Imee mikonsidera nga higala sa pamilyang Duterte ug gani midepensa kini sa nahisgutan gikan sa mga kritiko ug uban pang mga akusasyon.
Gipasabot sab ni Conggresswoman Zamora ang dili pag-respito sa patay usa ka supak sa kultura sa Pilipino nga lanag sa mga Pilipino kini nga buhat ang dili sumala pa madawat ug dili kini makatawhanon.
Samtang sa laing bahin nag-awhag na lamang ang kongresista sa bise Presidente nga tubagon ang mga alegasyon sa iyahang buhatan sa OVP ug sa buhatan sa DepEd samtang siya pa ang nagsilbing Education Secretary.
Kahinumduman nga una ng gikondena sa giisip nga House “Young Guns” ang bise Presidente sa pahayag niini batok sa kanhing dektador.
Sa gipaguwa nga pamahayag ni House Assistant Majority Leader ug Lanao del Sur 1st District Rep. Zia Alonto Adiong, uban ni 1-Rider Partylist Rep. Rodge Gutierrez, nga ang gihimo sumala pa sa ikaduhnag pangulo, usa ka “bastos” ug “desperada nga aksyon”
