Mikabat na 153 ka mga tawo ang nakabsan sa ilahang kinabuhi, human nga mibusikad ang usa ka fuel tanker sa Northern Nigeria.
Samtang mukabat usab sa kapin 100 ka mga indibidwal ang natalang nasamdan, diin dali sab kining nadala sa balay tambalanan.
Sumala pa sa taho nga kadaghanan sa nahimong biktima sa pagbusikad, mao ang miadto lamang sa maong dapit, diin natigayon ang aksidente, nga matud pa nawad-an og kontrol ang driver hinungdan nga nanga-usik ang karga niining lana, ug dali sab kining gidugok sa mga residente aron nga manguha unta og mga nausik nga petrolyo.
Apan sa wala damha kalit lamang mibusikad ang maong tanker pipila ka minuto lamang ang nakalabay, rason nga nakahiagom kinig daghanang casualties.
Samtang ang ubang mga biktima, gilubong pinaagi sa mass ceremony, gumikan sa kadaghan.
