Nagpadala ang National Aeronautics and Space Administration (NASA) ug spacecraft padulong sa usa sa mga bulan kun moon sa planetang Jupiter.
Ang ilahang Europa Clipper spacecraft ang gipadala aron pagatun-an ang Europa, usa sa mga bulan sa Jupiter.
Gisakay kini sa Space X Falcon Heavy rocket ug milupd gikan sa Kennedy Space Center sa Florida.
Kaniadtong Oktobre 10 pa unta kini gipadala sa kawanangan apan nalangan gumikan sa hurricane Milton.
Ang Europa clipper ang magsilbing unang spacecraft sa NASA nga gitagana aron sa pagtuon sa ice-covered ocean world sa solar system.
Ilahang pagatun-an kung ang nahisgutang bulan ang pwedeng kapuy-an sa mga tawo.
Ang tubig sa nahisgutang bulan ang mas doble ang gidak-on kung ikumpara sa dagat sa planetang Earth.
Ang nahisgutang spacecraft nga mubalor sa $5.2 bilyon ang mubyahe ug 1.8 bilyong milya ug kini ang gilaumang makaabot sa Jupiter sa Abril 2030.
Samtang kini ang magbyahe, mo-agi kini sa Mars ug Earth ug gamiton ang gravity sa matag planeta aron makatabang sa pagdaginot sa fuel ang nahisgutang spacecraft.
Gikunsedera usab nga kini na ang pinakadakong spacecraft nga gimugna sa NASA alang sa usa ka planetary mission gumikan kay ang Clipper, ang adunay gitas-ong 100 piye.
