Hilabihan ang nasinating kakuyaw sa usa ka tindera sa Masbate City nga mugamit na unta kini sa kasilyas apan nakamatikud kini nga dili matud pa muhubas ang tubig sa aniduro kung bubuan kini niyag tubig.
Apan sa dihang iyaha kining nasuta, nakita niya nga adunay miguwa nga dila nga gikan sa ulo sa sawa.
Gisaysay sa tindera nga si Mary Ann, ang kabahin sa iyahang nasinatiang panghitabo.
Sa iyahang kakuyaw, dali kining nakakuha og panglimpyo nga brush aron nga sayron og unsa ba gayod kining nakabara sa anidoro.
Apan sa kadugayan niyag tugsok-tugsok miguwa ra dayon ang ulo sa maong bitin.
Dali sab sumala pa kining midangop sa ilahang barangay hall aron nga magpatabang. Miresponde sab gilayong ang usa ka barangay kagawad ug usa ka taffic enforcer.
Sa dihang naipit na nila ang ulo sa sawa, gisugdan na sumala pa kini nila og tabang nga birahon.
Apan, wala pa kini musurender ang maong bitin.
Milungtad pa og halos duha ka oras ayha nga nahulbot na gayud ang sawa gikan sa aniduro.
Natingala sab ang mga tao sa dihang nakita nila ang gitas-on sa maong sawa nga muabot og 2.5 ka metro kon musobra sa 8 feet.
