SURIGAO DEL NORTE – Kabsan sa iyang kinabuhi ang usa ka 4 anyos nga batang lalaki human nga gitigbas-patay sa ilang silingan sa Barangay Little Pautao, Bacuag, Surigao del Norte niadtong Oktubre 8 ning tuiga.
Subay sa taho, giila ang biktima nga mao si alyas Aldrian, samtang ang suspek 42 anyos ug giilang si alyas Merlito.
Sa nahimong imbeustigasyon sa kapulisan, samtang nagdula matud pa ang biktima kauban ang mga higala niini, kalit matud pa nga miabot ang suspetsado samtang nagdala og hinagiban ug sa wa damhang panghitabo, kalit matud pa nga gitigbas niini ang bata sa ulo, nawong ug kamot nga maoy nahimong hinungdan sa hinanaling kamatayon niini.
Hilabihan matud pa ang kasuko sa suspek sa bata human nga namatay ang mga isda niini sa fishpond.
Human ang panghitabo, gilayong misibat ang suspetsado rason nga gilayon sab nagpahibayon og hot pursuit operation ang kapulisan.
Kasong murder ang atubangon sa maong suspek, samtang pursigido ang inahan sa biktima nga magpasaka og tukmang kaso batok sa suspek aron nga makab-ot ang hustisya sa iyang anak ug sa ilang pamilya nga nagbangutan.
