Walay kasayuran ug ideya si Pangulong Ferdinand Marcos Jr. sa matod pa planong paglambigit kang kanhi Pangulong Rodrigo Duterte ug sa duha ka mga kaalyadong senador niini kang Alice Guo ug sa POGO related crimes.
Gipangutana si PBBM sa alegasyon ni Senador Ronald “Bato” Dela Rosa sa Senate hearing nga adunay usa ka tawo gikan sa Malakanyang ang migamit kang Jennifer Francisco alyas Mary Maslog aron ilambigit kini ug sa ubang kaalyado sa nakalabayng administrasyon kang Alice Guo ug sa POGO.
Gipahayag ni Maslog sa Senate inquiry nga gihinabi kini sa Philippine National Police Intelligence Group (PNP-IG) nga estoryahon si Guo nga nag-atubang sa criminal charges, aron sa pag-surrender niini sa mga awtoridad.
Si Maslog ang gilambigit sa P24 million textbook procurement scam kaniadtong 1998, matod pa sa National Bureau of Investigation (NBI).
Kung kahinumduman, naaresto ang nahisgutan niadtong Septyembre 25 sa NBI gumikan sa fingerprints niini ug gibasura ang kaso niini kaniadto sa Sandiganbayan homan gipahayag sa korte ang kamatayon niini niadtong 2019 apan nag-usab lamang sa iyang pangalan isip Jennifer Francisco.
