Subling gigisa sa mga magbabalaod sa Committee on Legislative Franchises ang Northern Davao Electric Cooperative Inc. (Nordeco) gumikan matud pa sa nagbalik-balik nga sayop nga makahatag og dekalidad nga serbisyo ug ubos nga presyo sa suplay sa kuryente alang sa mga konsumante nga gisakupan sa ilang franchise area.
Atol sa hearing, di matud pa musugot ang Nordeco sa sugyot nga padak-on ang sakop sa franchise area sa Davao Light & Power Company gumikan sa tumong nga mahatag og mas barato ug epektibong suplay sa kuryente ang 16 ka siyudad ug 2 ka lungsod sa Davao del Oro at Davao del Norte.
Sumala pa sa Nordeco nga ang sugyot mas makahatag og dakong pabor sa mga private entities nga maka-vertake sa government-owned property nga usa matud pa kadakong kalapasan sa Civil Code ug gawasnon na matud pa ang grupo nga magdesisyon sa kantidad sa assest nga angay ibaligya nga mamahimong muresulta sa 20 sentimos kada kwh nga power rate ug posibleng magapil-apil na ang Energy Regulatory Commission sa pagdumala sa power rates.
Apan, gipunting ni Pwersa ng Bayaning Atleta Rep. Margarita Nograles nga ang argumento sa Nordeco nagbalik-balik na lamang sukad pa niadtong milabay nga mga deliberasyon sa Kongreso rason nga wa na matud pa panumbalingi ang mga konsumanteng naghilak na sa kamahal sa singil sa kuryente bisan pa man nga way ayo ang serbisyo.
Gani, daghan na sab matud pa ang mga kabtangang naguba sama sa refrigerator, computer ug uban pa, apan wala matud pay ginabuhat nga paagi ang Nordeco aron nga masulosyunan matud pa kini.
