Subling mihatag og abiso ang Philippine Embassy sa Lebanon ngadto sa mga Overseas Filipino Worker nga likayan ang Beirut human nga ang mibuhi og dosenang fighter jets ang Israeli batok sa target niining Hezbollah.
Gani, nagpahimangno ang naasoy nga ahensiya gahapong adlawng Sabado diin nanawagan ngadto sa mga Filipino nga mag-igmat ug magbinantayon gumikan sa nagpadayong tensiyon tali Israel ug Hezbollah.
Daghang higayon na matud pang gikataho ang mga pagbusikad sa habagatang bahin sa Beirut. Giawhag sa buhatan labaw na ang mga way saktong dokumento nga mubiya na sa Lebanon.
Mamahimo sab nga mudangop sa Philippine Embassy o Migrant Workers Office (MWO) sa Lebanon alang sa mga Pilipinong nanginahanglan piaagi sa pagtawag sa mga musunod nga mga numero: Embassy ATN hotline (alang sa mga permanenteng residente): 70 858 086, 79 110 729 alang sa Migrant Workers Office hotline nga mamahimong tawagan sa tanang trabahante.
Hinoon, padayon nga nagamonitor ang ahensiya aron masuta ang sitwasyon, ingon man ang seguridad sa tanang Pilipino ang priyoridad sa embasya gumikan gahapong adlawa, tensiyunado ug tibuok gabie ang mga pagbusikad nga miresulta sa pagkaguba sa mas daghanan pang residential buildings.
