Gipasalig ug ginapaniguro sa Police Regional Office XI nga lig-on ang ilahang ebedensya batok kang Pastor Apollo Quiboloy.
Kabahin kini sa mga midangop kanila nga mga menor de edad nga nahimong biktima sa pagpangabusong sekswal sulod sa KOJC.
Gikanayon ni Lt.Col. Jerick Filosofo ang Officer-In-Charge sa PIO PRO XI nga lig-on gayud ang ilang gigunitan nga mga ebedensya ug bug-at sumala pa ang kaso sa ilahang prosecutors batok kang Pastor Quiboloy.
Sumala pa niini nga posible gayud nga madungagan na sab ang kaso nga ipasang-at ngadto kang Pastor Quiboloy gumikan nga ubay-ubay na usab ka mga indibidwal nga sumala pa mipatim-aw aron nga mupasang-at ug reklamo batok sa nahisgutang Pastor.
Andam sab matud pa ang kapulisan, kung ugaling desidido na ang mga nahimong biktima sumala pa nga mag-file ug dugang nga kaso ngadto kang Pastor Quiboloy.
Subli sab nag-awhag si Filosopo ngadto sa mga miyembro sa KOJC nga matud pa gusto nga mupasaka ug kaso batok sa Pastor, nga andam matud pa kini ang buhatan sa PRO XI nga mutabang aron nga matabangan kini nga maangkon sumala pa ang ilahang hustisya.
