Gipanghimakak sa legal counsel ni Apollo Quiboloy nga si Atty. Mark Tolentino ang mga alegasyon batok sa maong Pastor labot sa mga gipangmolestiya niining 5 ka mga menor de edad.
Gani, di matud pa mabuhat niini ang mga alegasyon gumikan higala sila ni Quiboloy gumikan sa pagkaila niini sa pastor, usa ka pasensyoso ug masinabtanon.
Wala sab matud pay pay private army si Pastor Quiboloy sukwahi sa mga alegasyon gumikan mapamatud-an matud pa kini human nga misulod ang kapulisan ug nagpundo sulod sa 16 kaadlaw atol sa pagsilbi sa warrant of arrest sulod sa Kingdom of Jesus Christ Compound.
Makita sab matud pa nga bisan pa man og dunay mga nasakitan ug nakabsan sa kinabuhi nga miyembro sa KOJC, nahimo gihapon matud pa nilang mag-ampo.
Gani, sila Pastor Quiboloy ug lain pang 4 ka mga akusado niini ang giyano-yano gumikan sila gitorture, biktima sa kabangis ug inhuman ug degrading nga trato ilawom matud pa sa kamot ni DILG Sec. Benhur Abalos Jr. ug sa PNP.
Gani, angay respetuhon sa PNP ang dignidad ug katungod matud pa sa matag indibidwal lakip na pag-abot sa saktong pagkustodiya labi na og di kombiktado ang usa ka detainee ilawom sa PNP Memorandum 2023-053, RA 9745 kon Penalizing Torture and other Cruel, Inhuman and degrading treatment or punishment.
Angay sab matud pa siguruhon sa PNP ang kaluwasan ug seguridad sa mga gipangdetain ug ang kadanghag ug incompetence di matud pa pwedeng gamiton isip pasangil!
