Andam matud pa si Vice President Sara Duterte nga tagaan ug piso nga budget ang Office of the Vice President sa 2025 budget.
Sa tape interview nga gipaguwa sa Office of the Vice President, gibutyag ni Duterte nga aduna matud pa kini pagpamulitika ang laraw nga tangtangon ang P2 Billion nga budget sa iyang opisina alang sa sunod nga tuig.
Sumala pa niini, niadtong nakalabayng tuig pa kini niyang ginadudahan nga adunay ginasunod sumala pa nga script ang kamara aron nga maipit kini sa sitwasyon ug lakip na usab ang budget sa iyahang opisina.
Dugang sa Bise Presidente nga nagdesisyon matud pa ang kamara nga tanggalan siya ug confidential funds niadtong 2023 gumikan ginasuportahan sumala pa ni House Speaker Martin Romualdez ang Makabayan Bloc ug ang New People’s Army kon NPA.
Apan gihimakak kana ni House Appropriations Commitee Chaiperson Elizaldy Co ang mga patutsada ni Duterte.
Sumala pa niini nga si VP Sara matud pa ang scripted gumikan aduna matud pa kini ginabasa ug aduna matud pa kini mga midapig sa iyaha nga midepensa sa bise presidente.
