Nagbangutan pag-ayo ang mga kabanay sa mga gipang-hostage sa mga militante sa Palestine.Gani, nagbakho og hinilak ang mga tagtungod human nga nakaplagan ang mga lawas niini sa usa ka tunnel sa habagatang bahin sa Gaza.
Giila ang mga gipang-hostage nga Israeli nationals nga mao sila Almog Sarusi, Alexander Lobanov, Carmel Gat, Hersh Goldberg-Polin, Eden Yerushalmi ug Ori Danino.
Nakaplagan ang lawas sa mga naasoy niadtong Setyembre 1 ning tuiga sabay sa usa ka US-Israeli ug Russian-Israeli.Ang maong pagpangataki nagsugod niadtong Oktobre 7,2023 diin mikalas na og 1,205 ka kinabuhi.
Samtang, gibasol sab sa mga kritiko si Israeli Prime Minister Benjamin Netanyahu gumikan sa kakuwangon sa pagpaningkamot niini nga maangkon ang ‘ceasefire’ aron nga marelease na matud pa ang lain pang mga hostage.
Gani, nanawagan ang daghanang mga Israeli nga undangon na gumikan dugay na matud pa silang nagbayad ug nanghinaot nga mao na kini ang pinakaulahi aron nga makabalik na sa ilang tagsa-tagsa ka mga pamilya ang mga gipang-hostage.
