Gilugwayan pa sa Court of Appeals (CA) ang freeze order sa bank accounts ug mga kabtangan sa founder sa Kingdom of Jesus Christ nga si Pastor Apollo Quiboloy hangtod sa Pebrero 2025.
Kung kahinumduman, nagpagawas ang CA ug 20 day freeze order nga adunay petsa Agusto 6 batok sa 10 bank accounts, pito ka real properties, lima ka mga sakyanan ug usa ka eroplano sa maong Pastor.
Nahilakip na usab niini ang bank accounts sa KOJC ug Swara Sug Media Corporation nga nag-operate sa Sonshine Media Network International ang media arm sa KOJC.
Sa 48 ka pahinang resolusyon, gipahayag sa korte nga nakita nila ang reasonable ground aron tuhu-an ang bank accounts ni Pastor Quiboloy ang nalambigit sa sumala pa iligal nga binuhatan nga gipasang-at batok kaniya.
Sa pagkakaron padayon pang gipangita ang nahisgutang pastor sa mga otoridad.
