Gatusan ka miyembro sa Kingdom of Jesus Christ ang midagsa sa Plaza Miranda, Quiapo, Maynila alang sa ilang gipahigayong rally.
Tumong sumala pa niini ang panawagan sa pagpakanaog ni Pangulong Bongbong Marcos Jr. taliwala sa padayong pagpanglungkab sa mga kapulisan sa KOJC Compound sa Davap City.
Samtang ang mga personahe usab sa PNP, nakadeploy na sa maong dapit ug nakaalerto na usab aron nga seguraduhon ang seguridad sa maong rally.
Lakip na usab nga ilahang ipaimplementa ang maximum tolerance sa maong lugar.
Dul-an sa usa ka gatos ka mga kapulisan ang namuntar sa maong lugar aron sa pag siguro nga dili kini maghatag ug kahasul sa uban pang mga lumulupyo sa maong syudad.
Sumala pa ni Manila PCP Commander PMaj, Fredwin Sernio, nga pasagdan lamang nila ang maong grupo nga mulihok hangtod sa walay matigayong kaguliyang sa maong rally. Lakip sa mga nanambong ang mga pipila ka mga vloggers, lakip na usab sila Usec. Lorraine Badoy, Kanhi Presidential Spokesperson Harry Roque, si Atty. Glenn Chong ug uban pa.
