Gibutyag ni Atty. Israelito Torreon nga sumala pa aduna kini nadawatan nga hulga gikan kang kasamtangang PRO XI Regional Director PBrig. General Nicolas Torre III aron lamang kumbinsihon ang mga kliyente niini nga sila Pastor Apollo C. Quiboloy ug lain upat pa ka mga kaubanan niini nga musurrender sa kapulisan.
Apan dugang sa maong abogado sa KOJC nga wala siyay matod pa katakos nga mu kumbinsi sa iyahang mga kliyente gumikan usa lamang siya ka abogado ug trabaho niya ang mu depensa sa iyang mahimong kliyente.
Kung kahinumduman nga una nang gipahibalo ni Torreon nga kung iya kanang buhaton, mamahimong ma disbar pa kini siya sa iyang pagka abogado.
Gitawag sab ni Atty. Torreon si Torre nga mahilig kini sa mind-games kon psy-war nga aduna usab kini kalabutan sa naga-jogging nga mga kapulisan nga naka full-battle gear atubangan mismo sa KOJC Compound.
Lakip na usab nga gibutyag ni Torreon ang sumala pa nga atol sa ilang panagkita sa usa ka hotel gihadlok matud pa kini siya ni Torre nga mamahimong bloody ang sunod nga pagpahigayon ug arrest warrant niini maong kinahanglan nga buhaton na daw sa maong abogado nga isurrender ang bisan tulo o duha sa iyang mga kliyente nga mao sila Pastor Quiboloy aron mamahimong makatabang sumala pa kini kang Torre nga adunay mapakita sa malakanyang ug mahimong magpromote kaniya isip usa ka PNP Chief sa nasud.
Kung kahinumduman, niadtong Hunyo 10 nahimong tensyonado ang pagsilbi ug arrest warrant ngadto kang Pastor Quiboloy ug lain pang mga kaubanan niini, gumikan sa kalit-kalit nga pag sulod sa mga kapulisan sa KOJC Compound ug gitawag sab kini sa mga KOJC missionaries nga “day of infamy.”
