Kontrobersyal nga boxer sa Algeria, nasakmit ang Gold Medal

Nakadaog og bulawang medalya sa women’s weleterweight boxing si Imane Khelif sa Algeria.

Kini human gipildi niya si Yang Liu sa China pinaagi sa unanimous decision.

Nasayran nga siya ang unang Algerian nga babaye nga nakadaog og Olympic boxing title ug ang unang boksidor gikan sa iyang nasud nga nakadaog og gold medal sukad ni Hocine Soltani midaog sa Atlanta 1996 Olympics.

Ang 2022 World Championship silver medalist nga si Khelif ug ang boksidor sa Taiwan nga si Lin Yu-ting nahimong ulohan sa balita tungod sa pagkuwestiyon sa ilahang gender.