DAVAO CITY- Mag-atubang ug kasong administratibo ang kapin sa usa ka gatos ka mga 100 miyembro sa Davao City Police Office tungod sa sumala pa manipulasyon sa police blotter entries aron nga ipagawas ang crime statistics sa syudad.
Gumikan niini, nanawagan karon si Davao City Mayor Sebastian Duterte sa mga abogado nga mobarog ug depensahan ang mga pulis kabahin sa ilahang sitwasyon.
Samtang gibatikos sab niini si Police Regional Office XI director Brig Gen Nicolas Torre III sa paghupot sa nasampit nga sitwasyon.
Gikwestyon sab niini ang motibo sa likod sa sumala pa pagdoktor sa mga blotter reports.
Gikanayon sab sa Mayor nga wala na niini masabti ang kasamtangan nga administrasyon tungod sa wala pagpasabot niini sa mga gihimo dinhi sa syudad. Hinuon aminado usab ang mayor sa mga kakulangon sa ihap sa mga kapulisan apan iyahang gidepensahan ang mga gipangtanggal nga mga personahe sa Davao City Police Office gumikan sa mga pagpaningkamot niini nga maangkon ang kalinaw sa syudad alang sa katawhan. Kahin umduman nga una ng nagkatinubagay ang si Mayor Baste ug Gen. Torre tungod sa crime rate sa syudad nga mikunhod tungod sa nadiskubrihan sa Regional Director nga pag-manipulate sumala pa sa mga reports nga gipatal sa mga kwerpo sa kapulisan. Una na kining gitawag sa Mayor ang Heneral nga iyahang sagpaon sumala pa ug magkita samtang gitawag usab kini nga usa ka professional liar. Una ng gihagit ni Gen. Torre nga pasakahan kini ug sa batan-ong Duterte.
