Gibutyag sa Department of Education (DEPED) nga ang target nga petsa sa pag-abli sa klase alang sa mga eskwelahang mipostpone una ang klase ang gitakda na sa mosunod nga semana.
Kini ang gikumpirma ni Department of Education Secretary Sonny Angara sa gibuhat nga sidelines sa ceremonial Memorandum of Agreement tali sa DepEd ug Khan Academy Philippines Incorporated sa DepEd Complex Pasig City.
Sumala kay Angara nga ang pipila ka mga eskwelahan ang gipangbaha gihapon maong padayon nila kini nga gina monitor.
Sigon pa niini nga mahimong tarong usab ang pag-abli sa unang adlaw sa klase alang sa School Year 2024-2025, kana base sa usab sa ilahang mga ginabuhta nga pagtuyok ngadto sa pipila ka mga eskwelahan.
Bisan pa man niana, nahisgutan niini nga adunay kapin 600 ka eskwelahan nga wala pa nakasugod sa klase tungod sa Bagyong Carina ug Habagat.
Gihisgutan nga kapin 80 ka eskwelahan ang gigamit isip mga evacuation center. Base sa datos sa ahensya, muabot sa 615 ka eskwelahan ang gi-postpose ang ilahang pagsugod sa klase niadtong Hulyo 29.
Ang maong mga eskwelahan ang nahimutang sa upat ka rehiyon lakip na ang National Capital Region (NCR), Ilocos Region, Central Luzon ug Calabarzon.
Gitaho usab sa DepEd nga muabot sa 454,082 ka mga magtutungha na ang apektado sa bagyo samtang 241,334 niiniang gikan sa NCR; 16,890 sa Region 1; ug 195,859 sa Region 2 ug uban pang lugar.
