Gitabangan sa Department of Migrant Workers (DMW) ang 19 ka mga overseas Filipino workers gikan sa Lebanon.
Kauban sa mga OFW ang tulo ka mga bata nga nanguli tungod sa nagpadayong tensyon sa Lebanon.
Matod sa DMW, hangtod sa P100,000 ang ilang gihatag matag usa sa mga namalik nga OFWs isip kabahin sa comprehensive reintegration assistance, ug job facilitation services kauban ang Overseas Workers Welfare Administration (OWWA).
Ang Department of Social Welfare and Development (DSWD) mihatag sab og P20,000 matag usa samtang ang Technical Education and Skills Development Authority (TESDA) nanghatag og skills training voucher.
Base sa pinakaulahing talaan sa DMW, niabot na sa 1,085 ka OFWs ug 43 ka dependents gikan sa Lebanon ang nakauli tungod sa tensyon tali nila ug Israel.
