Gikumperma sa Philippine National Police (PNP) nga ilahang gitanggal ug gibalik usab dayon ang police security nga nadestino kang Senator Bong Go.
Gipahayag ni PNP spokesperson Col. Jean Fajardo, ilahang gitanggal ang mga police security ni Go ug pipila ka mga authorized individuals gumikan na usab sa kamando-an sa director sa Police Security and Protection Group.
Matod pa nga niadtong unang semana ning bulan sa Hulyo, temporaryong gitanggal ang mga nahisgutan aron mupailalom sa training.
Matod pa niini, adunay pipila ka pulis ang nalambigit sa moonlighting activities o adunay pipila ang mihimo ug ubang trabaho gawas sa gipanumpaang katungdanan, hinungdan nga gipailalom ang mga nahisgutan sa re-training.
Homan ang pipila ka semana, gibalik usab ang police security ni Go ug pipila ka mga awtorisadong individual.
Kung kahinumduman, giangkon ni Senator Bong Go nga una pa kining gikuhaan ug mga police escort sa wala pa kang Vice President Sara Duterte.
