DAVAO CITY- Ipahigayon na karong alas 9 sa buntag ang Earthquake ug Tsunami Simulation Exercise diin kini ang pangunahan sa City Disaster Risk Reduction and Management Office kon CDRRMO og ginalaumang pagasalmutan sa mga dabawenyo gikan sa tanang matang sa establishimento, mapa-government owned man o mapa-pribado.
Kahinumdumang, gikabutyag ni Lyndon Ancajas ang Acting Division Head sa Admin and Training sa CDRRMO ug Head Facilitator alang sa maong citywide full-scale shakeout drill nga ilahang ginalauman ang “full participation” sa katawhan.
Pagpasabot usab niini nga ang maong kalihukan ang usa lamang ka simulation exercise apan kinahanglang mopartisipar niini ang tanang nga dabawenyo gikan sa mga barangay, tulunghaan, ospital, mall, establishments, mga opisina sa gobyerno, local responders ug tanan nga responders.
Dugang pagpasabot pa niini nga sa hisgutanang ‘full-scale” nalakip na niana ang response, evacuation, management nga magbuhat sa management procedures, adunay imuntar nga incident command post, i-establish ang governance, public service utility planning, ug mga pribado nga establishimento.
Magsugod ang maong drill karong ensaktong alas 9 sa buntag diin adunay mahitabong usa ka minutong earthquake drill, ug kinahanglang obserbahon ang duck, cover and hold ug human niana kinahanglang mag-evacuate pagawas ang tanang mga katawhan.
Ensaktong alas 9:05 sa buntag, patingugon ang tanang siren sa syudad nga nagapasabot sa pagsugod sa tsunami simulation exercise diin kini nga ‘wavering-tone’ ang molungtad og tres minutos nga nagpasabot og pagpahilking.
Lakip sa mga patingugon nga sirens mao ang nahimutang sa coaster areas ug tanang barangay sirens nga nahimutang sa Marapangi, (Salakot) Talomo Proper, Tigatto, Bunawan, Lasang, Sirawan, Lizada, (Taal) Talomo, Matina Aplaya, Bucana, Maa, Brgy. 39-D, Brgy. 23-C, Panacan ug Vicenter Duterte.
Aduna usab imuntar nga safe area ang maong mga ahensya diin mahimutang kini sa Crocodiles Park ning syudad. Subling pahimangno usab ni Ancajas ngadto sa mga dabawenyo nga dili gayud magpanic tungod kay drill lamang ang mahitabo nga aktbidad.
