Midaug ang mga Pinoy sa nahimong desisyon ni Pangulong Ferdinand Bongbong Marcos Jr. nga i-ban na ang mga POGO sa nasud, matod pa sa Akbayan Youth.
Sa usa ka statement, gipahayag sa Akbayan Youth nga pabor sa mga Pinoy nga nabiktima sa sindikato sa POGO ang hingpit nga pag-ban niini, samtang makunsedera usab nga death knell kang kanhi Pangulong Rodrigo Duterte nga mao ang mastermind sa pagsulod sa POGO sa nasud.
Dugang gikanayon sa Akbayan, dili lamang ang pagdili sa POGO ang pagahimuon sa kagamhanan apan gikinahanglang gukdon ug patubagon ang mga nagpaluyo sa POGO.
Gikalipay usab sa Akbayan ang nahimong posisyon sa Marcos administration sa POGO ug West Philippine Sea (WPS).
Mi-apela usab ang Akbayan nga seguruhon sa gobyerno nga hugot mapatuman ang POGO ban sa nasud.
