Gipahunong na sugod karong adlawa ni Pangulong Ferdinand Marcos Jr. ang operasyon sa Philippine Offshore Gaming Operators kon POGO sa nasud Pilipinas.
Ang maong desisyon sa pangulo ang tungod sa nahimong rekumendasyon sa mga economic managers niini.
Dugang pa sa Pangulo nga ang POGO ang naga-pakaaron-ingnong legitimate entities apan ang mga operasyon diay niini ang nalambigit sa iligal nga aktibidad sama sa financial scamming, money laundering, prostitution, human trafficking, kidnapping, torture ug murder.
Sumala sa presidente nga kinahanglan ng ihunong ang pagsamok sa POGO sa atoang nasud Pilipinas.
Gimando usab ni Pangulong Marcos sa PAGCOR nga sugdan na ang pagpahunong sa operasyon sa POGO hangtod sa mahuman ang tuig.
Gi-assign usab sa Pangulo ang Department of Labor and Employement kon DOLE nga pangitaan og bag-ong mga trabaho ang mga Pilipino nga maapektuhan sa pag-ban sa POGO.
Nagatuo ang Pangulo nga pinaagi sa pagpahunong sa operasyon sa POGO, daghang mga problema ang mas masolusyunan.
Nanawagan usab ang Pangulo sa tanang mga opisyal sa gobyerno, law enforcers, government workers nga mag-igmat ug huna-hunaon ang kahimutangan sa nasud Pililipinas.
