Midepensa ang Department of Finance (DOF) sa nahimong direktiba niini sa Philippine Health Insurance Corp. (PhilHealth) nga i-remit ang wala nagamit nga subsidiya nga mubalor sa P89.9 billion sa Bureau of Treasury (BTr).
Matod pa sa ahensya, mas maayong gamiton ang sobrang pondo sa state run corporations sa gobyerno kaysa mangutang.
Gipahayag usab ni Finance Sec. Ralph Recto nga dili makaya sa gobyerno nga pasagdan na lamang ang government-owned and controlled corporations (GOCCs) nga adunay sobrang kwarta o pondo nga pasagdahan na lamang ug dili magamit sa public investment.
Pinaagi niini, wala na kinahanglana pa mopatuman ang gobyerno ug dugang buhis, taasan ang utang sa nasud lakip na ang deficit.
Gihimo sa finance chief ang nahisgutang pamahayag taliwala sa kampanya sa health advocates ug budget watchdogs nga imbestigahan ang nahisgutang direktiba sa DOF.
