Nagpabilib na ang Davao Eagles alang sa unang adlaw sa Palarong Pambansa 2024.
Kini human nakatala og lima ka kadaugan ang Davao Region alang sa mga nagkadaiyang dula susama na lamang sa Basketball, Foootball, ug Volleyball.
Gumikan niini, daghanang mga supporters ang nipadayag sa ilang pagdayeg uban ang panghinaot nga masundan pa ang nahisgutang kadaogan.
Nakatampo matud pa ang pagbisita ni Vice President Sara Duterte sa mga atleta atol secondary volleyball boys.
Kahinumduman nga una nang misaad og mga pahalipay ug cash incentives ang Department of Education Regional Office XI ngadto sa mga student-athletes nga modaog sa Palarong Pambansa.
Ang maong inisyatiba ang gawas pa sa mga pahalipay nga ihatag usab sa mga local DepEd Divisions.
Ning kasamtangan, hapsay ug malinawon ang sitwasyon sa maong mga dula apan padayon gihapon nga ginamonitor sa local nga panggamhanan ang mga atletang nasakit lakip na ang pagbuhat og inisyatiba kung galing makasinati og mga pag-ulan.
