DAVAO CITY- Hugtanong gipahinumduman karon sa Davao City Disaster Risk Reduction and Management Office ang publiko alang sa risgo nga hatod sa pagkuha og hulagway inay sa pagbakwit panahon sa kalamidad.
Gikanayon ni CDRMMO Head Alfredo Baloran nga kadaghanan karon ang mas unahon pa ang pagkuha og video o hulagway imbes nga siguradoon ang kaluwasan panahon sa kalamidad.
Nahimong basehan sa opisyal ang pagkahugno sa dike sa may Calinan tungod sa kakusog sa bul-og sa tubig nga matud pa posibleng makabutang sa risgo sa kinabuhi alang sa mga residenteng anaa matud pa sa ibabaw nga bahin niini niadtong panahona.
Sumala pa sa opisyal, mas maayong mopalayo sa mga lugar nga duol sa sapa sa susamang sitwayson, hilabi pa kung mamatikdan gayud ang kusog nga haguros sa tubig.
Gani, gipahinumdoman niini ang mga residente nga mag-atubang kini og kaso kung dili motuman sa mando sa mga otoridad ubos sa Pre-emptive Evacuation Ordinance.
Wala na matud pa nagkulang ang ilang ahensya sa paghatag og pahimangno sa katawhan rason nga giabisoan niini ang publiko nga kung maobserbahan na ang pagsaka sa tubig-baha, diritso gilayong mobakwit ug dili na maghulat pa og advisory gikan sa ilang buhatan.
