Migawas sa nagadayong imbestigasyon sa otoridad nga dunay laing “Alice Leal Guo.
Dako ang pagtuo ni Sen. Risa Hontiveros nga gikawat lamang ni suspended Alice Guo kon ‘stolen identity’ ang iyang ngan nga ginadala karon gumikan nasayrang parehas matud pa ang adlawng natawhan niini sa lain pang Alice Leal Guo nga Hulyo 12,1986.
Gani, ang pangutana ni Hontiveros nga posibleng sulagma kon ‘coincidence’ lamang ba nga dunay Alice Leal Guo nga gipanganak sa susamang adlaw nga residente sab sa Tarlac?
Dugang pa sab sa mga pangutana niini nga sulagma lamang matud pod ba nga ang maong NBI clearance gifile pipila ka adlaw ayha ang date of filing sab sa delayed registration of birth?
Kabahin niini, gipadalhan og subpoena si suspended Mayor Alice Guo ug lain pang mga personalidad nga wala mitambong sa hearing ganina.
