DAVAO CITY – Nakakuha og 9 out of 10 nga puntos ang mga safety and security forces human sa gipahigayong surpresang Simulation Exercise (Simex) sa Davao City niadtong Hunyo 19, 2024.
Ang maong pagbansay ang naglambigit sa mga strategic scenario sa Davao City Overland Transport Terminal (DCOTT) ug Davao City Hall sa San Pedro Square. Gi-rate ni Task Force Davao Commander Col. Darren Comia ang aktibidad nga 9 out of 10 alang sa pagpauswag sa mga cluster sa seguridad sa pagtubag sa mga insidente ug krimen sa lugar.
Namatikdan usab niya ang kalinaw sa mga tawo atol sa kalihokan. Gianunsyo sa City Government of Davao ang surpresang pagpahigayon sa Simex, nga nag-awhag sa publiko sa pagsabot ug pagkooperar sa kalihokan aron masiguro ang seguridad sa siyudad.
Kabahin ang maong pagbansay sa Culture of Security campaign sa dakbayan nga “May Nakita, Dapat Magsalita,” base sa Executive Order 62, Series of 2021, nga nagsagop sa Integrated Response on Terrorism Plan (Usahay II) sa TF Davao ug pagpaaktibo sa Joint Security Forces Cluster sa kaso sa mga pag-atake sa terorismo.
