DAVAO CITY- Gi-awhag ni Paul Bermejo, head sa Ancillary Service Unit kon ASU ang matag barangay nga motabang sa pagmintinar sa mga limpyo nga kanal human ang ilahang paningkamot nga tanggalon ang pagbara niini atol sa ting-init.
Nagalaum si Bermejo nga ang mga taga barangay na lamang usab ang mag-mintinar sa barangay roads nga adunay drainage system tungod sila matud pa ang nanginahanglan niana.
Dugang pa niini nga gi-una gayud sa mga grupo gikan sa ilahang buhatan ang pagwala sa bara sa mga kanal atol sa dry season diin ilahang gipahimuslan ang maong panahon.
Matud pa niini nga kinahanglang usab nga magbuhat og counterpart ang mga constituents ilabi na ang mga barangay level ug barangay officials.
Sigon pa niini nga sa ilahang pakigtimbayayong sa City Engineer’s Office, ilaha usab na nalimpyuhan ang mga kanal sa may Tigatto area ug Jade Valley diin sagad nga maapektuhan kini pag-ayo sa pagbaha.
via/ DMA
