DAVAO REGION- Nakatala og 300 ka mga aplikante ang Educational System Benefit Unit (EBSU) ayha pa man nagsugod ang registration.
Gikanayon ni EBSU Technical Assistant Emilio Domingo Jr. nga daghan matud pa ang nagparehistro pinaagi sa online application system.
Dugang pa niini nga ang qualified nga aplikante duna matud pay 93% general average, apan tukion sab matud pa ang economic status sa mga skolar nga usa sab matud pa sa rekisitos aron maqualify sa scholarship.
Samtang alang sa mga skolar sa Scholarship for Tertiary Education Program (STEP), ang usa ka aplikante mamahimong ipailawom sa 3 ka kategorya:
Part A: Php 25,000 matag semester o Php 50,000 matag school year;
Part B: Php 20,000 kada semester o Php 40,000 matag school year ang madawat ug
Part C: 7,500 matag semester o 15,000 kada school year.
Alang sab sa mga iskolar sa medical school mamahimong makdawat og Php 160,000 per school year,lakip na Php 20,000 nga book allowance.
Samtang alang sa mga Half scholars, makakuha kini og Php 80,000 alang sa tuition ug 10,000 alang book allowance.
Sa pikas bahin, alang sa mga full scholars sa Law School, makakuha og Php 50,000 per school year nga dunay dugang P8,000 nga book allowance ug alang sa half scholars, makakuha og Php 25,000 per school year ug Php 4,000 alang sa book allowance.
