DAVAO CITY- Gipaklaro ni Executive Secretary Lucas Bersamin pinaagi sa sulat nga gipadala niini kang kanhing Mindanao Development Authority (MinDA) chair Maria Belen Acosta niadtong Mayo 22, 2024, ug gipahibalo ang nahisgutan nga epektibo na kining gipulihan ug balido ang pagpuli sa mosunod nga modumala nga si Secretary Leo Tereso A. Magno, sugod niadtong Mayo 21.
Gidugang pa sa nahisgutan nga si Acosta ang gitanggal ni Pang. Ferdinand Marcos Jr.gumikan sa kawad-on na niini sa pagsalig ug kompyansa. Kini ang tubag nga gipaagi sa sulat ni Bersamin gumikan sa pagpagahi pa gihapon sa nahisgutan nga mokanaog sa iyahang katungdanan ug gipamugos niini nga ang posisyon sa pagka-Secretary ug Chairperson sa MinDA” ang dili pa opisyal nga bakante.
Una ng gitumbok ni Acosta ang Republic Act No. 9996, kon the Mindanao Development Authority Act of 2010, Section 3, nga nagkanayon nga ang MinDA “shall promote, coordinate and facilitate the active and extensive participation of all sectors to effect the socioeconomic development of Mindanao”.“Pursuant to Republic Act Section 7, the Chairperson “shall serve a term of six years from the date of his/her appointment, unless removed for cause”.
Gihisgutan sab sa nahisgutan nga si kanhing Pang. Rodrigo Duterte ang nagtuboy kaniya sa maong posisyon alang sa unom ka tuig nga termino. Apan tubag ni Bersamin nga kanhing Supre Court Chief Justice ang pagdeklara ni Acosta usa ka dakong supaka sa balaod.
Kahinumduman nga gibarugan ni Acosta, nga magpabilin gihapon kini isip MinDA chair ug positibo kini sa balaod nga modapig kaniya ang RA 9996.
Una ng gipasabot ni Executive Sec. Lucas Bersamin nga ang position sa chairman sa MinDA usa kini ka buhatan nga sama sa gabinite nga ang mandato ug mga respon sibilidad mao ang pagdumala sa mga ipatuman nga mga proyekto ug programa sa tibuok Mindanao pinaagi sa pakig-alayon sa ubang mga kanasuran ilabi na sa mga Muslim Countries sama sa Brunei Darussalam–Indonesia–Malaysia.
Nagsilbi sab kining kabahin sa Advisory board sa Philippines East ASEAN Growth Area (BIMP-EAGA), ug nagahatag ug tambag sab sa Presidente mahitungod sa mga hisguatanan dinhi sa Mindanao.
