DAVAO CITY – Magmugna og Special Investigation Task Group kon SITG ang Davao City Police Office nga maoy mututok sa pagpusil patay sa kanhi mayor sa Cateel, Davao Oriental nga si Giselo Castillones.
Sumala pa sa kapulisan, makipag-koordinar karon ang DCPO sa Cateel Municipal Police Station aron panubayan ang imbestigasyon.
Una nang gikabutyag sa hepe sa Bajada Police Station, PMaj. Antonio Luy nga dili pa nila matumbok ang motibo sa pagpusil-patay kang kanhi mayor niadtong Nobyembre 22 pasado alas 10 sa buntag gawas mismo sa usa ka kan-anan sa Km. 5 Ladislawa, Buhangin ning dakbayan.
Kahinumdumang sa dihang pahawa na ang biktima kauban ang drayber niini nga giilang si Junie Castro ug laing kauban pa niini nga giilang si Alma Manliguez Lozentes, kalit lamang kining gipabuthan og 4 ka higayon sa wala mailhing suspetsado.
Kasamtangang nagpaalim sa SPMC ang duha ka mga sakay niini.
Samtang, nagmugna og usa ka team ang Bajada PNP nga maoy ipadala ngadto sa Barangay San Rafael aron maoy mangunay sa imbestigasyon.
Dugang pa ni Luy nga maglisod sumala pa sila og subay ingon man matumbok ang ugat kon motibo sa krimen gumikan dili taga diri ang dakbayan rason nga nagpadala sila og personahe ngadto sa probinsiya sa Davao Oriental.
Wala pa sab nakuptan ang kopya sa CCTV gumikan angay matud pa nga mananghid ang fastfood chain ngadto sa ilang main office sa kauluhan diin natigayon ang maong pagpamanhig.
Dugang pa ni Luy nga di pa nila makumpleto ang imbestigasyon gumikan wala pa nakahatag og detalye ang pamilya labot sa maong panghitabo tungod anaa pa sa grabeng kasubo.
Apan gisiguro sa kapulisan ang paspas nga pagkakaplag sa suspetsado.
