DAVAO CITY – Giklaro sa gobernador sa Davao oriental nga dili siya nagtanggal og empleyado sa lokal nga panggamhanan sa nasangpit nga probinsya.
Gipasabot ni Gobernor Nino Sotero Uy Jr, nga adunay memorandum nga gipagawas aron nga ipasabot nga adunay kontrata nga gikatakda nga matapos sa hunyo 30, subay sa pulisiya , aron nga hatagan usab og kahigayonan nga ma-evaluate ug ma-assess ang usa ka empleyado ayha sa pag-renew sa kontrata niini padulong sa bag-ong administrasyon sa bag-ong hepe ehekutibo sa probinsya.
Gitataw usab sa opisyal nga wala siya’y laraw nga hulipan ang kinsa man nga department heads povincial government sa probinsya.
Inay, kuhaon usab kini sumala pa sa gobernador nga kahigayonan nga ilhon kinsa ang mga myembro ilawom sa provincial government sa Davao Oriental.
Gipasalig usab niini nga iyang ipadayon ang nauna na mga mga inisyatibo gikan sa kanhing administrasyon.
Gikanayon usab ni Uy nga atol sa pagbisita niini sa mga nagkalain-laing opisina sa panggamhanan, iyang gimanduan ang provincial budget officer nga malahi ug mapanalipdan ang mga benepisyo sa mge empleyado sa panggamhanan samtang gi-balanse usab niini ang ubang pondo alang sa mga programa sa probinsya hangtud sa katapusan niining tuiga.
