DAVAO CITY – Gipanid-an sa Land Transportation Franchising and Regulatory Board kon LTFRB 11 ang mga drayber nga naga-overcharge sa ilang mga pasahero.
Sumala ni Mirazah Arraz, Admin Officer sa LTFRB 11, base kana sa gihimong monitoring sa ilang gimuntar nga mga sakop nga nagpakaaron ingnong mga commuter aron masilip ang drivers nga dili musulod sa saktong regular fare rate.
Anaa sa 65 ka mga drayber ang ilang nasumonan og overcharging, trip cutting, non-wearing of uniforms, ug uban pang violations diin sagad niini, nahimutang sa Davao City partikular sa maty Toril ug Calinan.
Giaghat sab sa buhatan ang publiko nga kuhaan og hulagway ang Driver’s ID o plate number sa gisakyang behikulo ug i-report ang mga susamang kalapasan sa Davao City Reports ug sa Davao City Contact Center.
Posibleng mag-atubang ang masakpang mga drayer og P5,000 alang sa first offense, P10,000 ug pag-impound sa unit sulod sa 30 ka adlaw alang sa second offense, ug nasa P15,000 nga multa ug pagkansela sa Certificate of Public Convenience (CPC) alang sa third offense, subay sa DOTR Joint Admin Order No. 2014-01.
via || Bombo LJF
