DAVAO CITY – Gikabutyag sa 10th Infantry Division sa Philippine Army nga wala na’y mga extortion activities nga gipahigayon sa mga rebeldeng grupo batok sa mga kandidato samtang nagkaduol ang Barangay ug Sangguniang Kabataan Elections 2023.
Sumala pa ni 10ID Spokesperson Maj. Mark Anthony Tito, bunga kini sa pagdeklara sa Davao Region isip gawasnon sa insurhensiya niadtong nakalabayng tuig.
Apan gipasalig sa kasundaluhan nga ilang tabangan ang COMELEC nga maghatag og seguridad sa mga barangay ilawom sa Geographically Isolated and Disadvantaged Areas kon GIDA pinaagi sa pagdeploy sa ilang mga personahe panahon sa piniliay sa mga opisyales sa barangay.
Kasamtangang ginapunting pa sa COMELEC ug PNP ang mga lugar sa rehiyon nga gikonsiderang election hotspots diin ipakatag sab ang mga sakop sa 10ID.
via || Bombo LJF
