DAVAO CITY – Nasa lapas kwarenta milyones pesos ang natalang inisyal nga danyos sa nahitabong duha ka linog sa Davao de Oro kaniadtong Marso 7.
Sumala sa pagpanubay sa Office of the Civil Defense 11 as of March 9, mubalor sa P42 million ang kantidad sa mga 67 ka mga nagubang imprastraktura sa Davao Region, partikular na sa probinsya sa Davao de Oro.
Sumala sab sa maong datos, nasa 40 ka mga iskwelahan, 8 ka mga dalan ug ulay, 21 ka mga government facilities, 3 ka health facilities, 6 ka mga pribadong gambalay, 1 ka utility ug lain pang 6 ka mga imprastraktura ang gikatalang nangadaot atol sa linog nga nahitabo sa Davao de Oro.
Samtang 21 ka mga tulunghaan, 1 ka government facility ug 3 ka private properties ang naguba sa Davao del Norte, ug muabot sa 6 ka iskwelahan ang sa Davao Oriental.
Samtang dinhi sa Davao City, gikatala ang nasa 13 ka tulunghaan, 2 ka opisina sa gobyerno, ug u1 ka pribadong gambalay ang naguba atol sa maong pagtay-og.
Sa pikas bahin, miabot na sa 2,942 ka mga pamilya ang gikatalang apektado sa linog nga anaa karon sa 20 ka mga evacuation centers.
Wala hinuo’y gikatalang patay sa maong linog apan nasa lapas 60 na ang nangaangol.
Nagpadayon gihapon ang monitoring sa PDRRMO sa probinsya, ingon ma, ubay-ubay na sab ang mga nagpaabot og tabang sa mga naapektuhan sa linog.
via || Bombo LJF
