DAVAO CITY – Nasikop sa mga otoridad ang usa ka kanhi rebelde nga nanagi-iya ug managlahing mga armas sa iyaha mismong panimalay kagahaon sa buntag, Purok 1C, Brgy. New Malitbog, Panabo City, Davao Del Norte.
Subay sa gahum sa search warrant nga gipagula sa Regional Trial Court 11th Judicial Region, gilusong sa mga otoridad ang panimalay ni Armando Villarin Ancajas, nagpuyo sa maong dapit.
Si Ancajas, usa ka kanhi miyembro sa SPARU sa Pulang Bagani Command-1 sa New People’s Army nga naga operate sa Davao region, sa ubang parte sa probinsya sa Bukidnon ug mga probinsya sa Agusan.
Nasuta sab nga miyembro sab ang dinakpan sa Baguio Criminal Gang sa Gun-For-Hire nga nagalihok sulod sa Davao Region.
Nakumpiska gikan sa nahisgutan ang usa ka kalibre .40 nga pistola ug 43 ka mga buhi nga bala niini; usa ka steel magazine sa kalibre .45 nga pistola ug unom ka mga buhi nga bala; lakip na usab ang 100 ka mga basiyo sa bala sa kalibre .45 nga pistola.
Gikustodiya na ang dinakpan sa kapulisan ang suspek nga gipasakahan na og kasong paglapas sa RA 10591 o Comprehensives Firearms and Ammunitions Law.
via ||
