DAVAO CITY – Nagsugod na ang kampanya sa paghinumdom agig pakigbatok sa pagpangabuso sa kababayen-an sa gipahigayong kick off alang sa tinuig nga National Consciousness for the Elimination of Violence Against Women and Children.
Niadtong Biyernes, Nobyembre 25, nagkatapok sa Peoples’ Park ning dakbayan ang tanang women’s right groups, barangay representatives ilabi na ang Barangay Council for Women kon BCW, mga ahensya sa panggamhanan, NGOs, tulunghaan ug mga pribadong sektor, aron ipahibalo sa dakbayan ang pasalig sa syudad nga batukan ang nagpahinabong pagpangabuso sa kababayen-an.
Gikanayon ni Davao City Mayor’s Integrated Gender and Development Division head Lorna Mandin nga daghan ang nahimong kalampusan sa dakbayan sa natad sa pakigbatok niini apan daghan pa ang angayng atubangon.
Nahilakip sa maong programa ang testimonya sa mga kababayen-an nga gidangop sa IGDD, mga kasayuran sa Magna Carta of Women ug uban pang mga balaod alang sa pagpanalipod sa matag kababayen-an.
Gidasig sab ang mga nasangpit nga pakusgan ang ilang dissemination batok violence against women sa dakbayan. Mulungtad ug 18 ka adlaw ang maong kampanya kon hangtud Disyembre 12, nga gipangulohan sa IGDD uban ang Department of Tourism 11 ilawom sa Republic Act No. 10398.
via|| Bombo LJ Florendo
