DAVAO CITY – Nagkahiusa ang pipila ka mga ahensya ug lokal nga panggamhanan alang sa tumong nga mamugna ang Mt. Apo Wildlife Rescue and Conservation Center pinaagi sa usa ka commitment signing niadtong milabayng adlaw.
Anaa sa maong katikaran ang mga pangulo ug representante sa Mindanao Development Authority kon MinDA, lokal nga kagamhanan ug mga pribadong sektor.
Namugna ang maong inisyatiba tungod sa pagsagubang sa maong buntod sa mga hagit pangkinaiyahan tungod sa mga pagpanamay sa tawo busa angay lamang sugdan ang pakigbatok niini.
Mamahimong gambalay sa animal rescue, conservation and breeding, education and research, ug ecotourism site ang maong gambalay.
Laraw karon ni MinDA director Joey Recimilla nga mangalap ug pinansyal nga pondo sa mga LGUs ug pinaagi sab sa kamara, sa DENR, o sa mga pribadong ahensya.
Nagmuntar na sab ug technical working group alang sa budgeting sa maong gambalay. Ang Mt. Apo Natural Park, dunay kapin 64 mil ka ektaryang luna nga gipalibutan sa mga probinsya sa North Cotabato sa SOCCSARGEN; ug Davao del Sur sa Davao Region.
Nagpadayag ug suporta alang niini ang Energy Development Corporation ug usa ka private owned company.
Ang Mt. Apo ang giila isip pinakadagkong buntod sa tibuok Pilipinas nga anaa sa 2,954 meters above sea level.
Usa sab kini ka environmental protected area sa nasud ubos sa National Protected Areas System pinaagi sa Republic Act No. 9237 kon Mount Apo Protected Area Act of 2003.
via || Bombo LJ Florendo
