DAVAO CITY – Manguna ang probinsya sa Davao Oriental sa pagmugna ug usa ka programa alang sa pagmintenar sa pagka-insurgency free sa tibuok rehiyon.
Makig-alayon ang lokal nga kagamhanan sa probinsya sa panguna ni Governor Corazon Malanyaon, Office of the Presidential Adviser on Peace, Reconciliation and Unity, ug ang National Task Force to End Local Communist Armed Conflict alang sa programang Localized Peace Engagement and Transformation Programs nga nagtumong sa holistiko nga kabag-uhan ngadto sa mga kanhi rebelde sa ilang pakigbalik sa gobyerno isip sibilisado pinaagi sa interbensyon sa ilang pamilya ug komunidad nga kanhi nahimong kuta sa mga guerilla groups.
Gikanayon nga nahimong dagkong ehemplo ang probinsya sa pagpatuman ug mga programang pang-kalinaw maong angay lamang kini pamarisan sa mga kasikbit nga mga probinsya sa rehiyon.
Sama na lamang sa Happy Home, usa ka temporaryong puloy-anan alang sa mga former rebels nga nagtanyag ug rehabilitations programs alang sa ilang tiunay nga pagbag-o. Gamiton sa programa ang Whole-Of-Nation Approach alang sa mga transformational programs nga suportado sab sa nagkalain-laing ahensya sa gobyerno.
Tumong sab sa programa ang pagpaabot sa mga problemang insurhensiya aron dili sab magamit pag-usab sa mga rebeldeng grupo. Labaw niana, ang pagsiguro sa makanunayong kabag-uhan sa mga kanhi rebelde alang sa ilang mga pamilya ug komunidad.
via || Bombo LJ Florendo
